Jungbürger besuchen Damian Müller im Bundeshaus

G’startet hemmer z’Schonge im Gmeindrotszemmer
send fröndlech in Empfang gno worde, so wie emmer
8 jongi Börger & d’Gmeindröt semmer

Ganz schön gmüetlich und gsellig,
hemmer gstartet metere chline Vorstellig
und scho isch d’Abfahrt metem Grüter fällig

Ond los esches gange
alli send uf de Damian Müller am plange
und wänd neui Idröck erlange

Akunft in Bärn, doch s’Bondeshuus liit no es stückli färn
en chline Spiis & Trank zwöschie, das ghöremer doch gärn
Bier & Brezel lääremer gnösslech hende abe,
i de Hauptstadt vo de Schwiz, am Bäregrabe

S’Bondeshuus ändlech gfonde
jetzt handlet’s sechs norno om Stonde
Aschlüssend semmer vom Damian Möller empfange worde, im Igang onde

Gfolgt vomne feine Apéro,
(also vo eus uus dörfs so wiitergo)
Er hed eus i fascht jede Ruum vom Bondeshuus metgno

De Damian hed eus viel verzellt öber d’Regle im Bondeshuus
zum Biespiel chasch als Maa ohni Cravatte im Ständerot nöd i und us.
Langwierige Abstimm-Prozess vo National- und Ständerot isch e gruus
Hoffentlech chömed alli Politiker do no druus

De Tag esch aber noni z’Änd,
bevor mer no nüüt z’Nacht gha händ!
schön z’gseh, wie d’Gmeindsröt
s’Bescht för eus wänd

Nechschti & letschti Halt esch denn de
Kötzli - ehhhhh Klötzlikäller i de Stadt
Met guete Gspröch und alli satt
ändet de Obe no zemmli glatt

Alli hend es Schonger-Victorinox bechoo,
das mer rechtigi Schwizer send,
weiss mer ab jetzt sowieso
abschlüssend chammer säge, glonge
esch de tag hundert pro

liebe Gmeindsrot, hender wörkli guet gmacht –
CHAPEAU!

Anzeige

• 
  www.widmerdach.ch
• 
  Musikgesellschaft Pfeffikon
• 
  Lagerräume/Abstellplätze